Калий және магний – жүректің негізгі көмекшілері. Егер осы микроэлементтер организмде жеткілікті мөлшерде болса, адамның жүрек-қантамыр жүйесі сағат сияқты жұмыс істейтін еді.
Калий және магний адам организмінде неге әсер етеді?
- 1
жүрек импульсін өндіреді
- 2
миокардтың (жүрек бұлшық еті) қалыпты зат алмасу процесін жақсартады
- 3
миокард пен бүкіл денедегі бұлшық еттің жиырылу қызметін жақсартады
- 4
пқантамыр қабырғаларының созылғыштығын сақтайды
- 5
қанның тұтқырлығын азайтып, тромбының дамуының алдын алады
- 6
атеросклероздық түйіндердің көбеюін баяулатады
- 7
жүрек бұлшық етіндегі зат алмасу процестерін реттейді
Калий деген не?
Табиғатта кездесетін Калий (K/Kalium) – бұл жұмсақ сілті металы. Оның потассиум деген басқа да атауы бар.
Адам организмінде калий су-тұз теңгерімін реттеп тұрады, көбіне, жүрек ырғағына жауап береді. Бұл микроэлементтің 98%-ға жуығы жасушаның ішінде болады. Калий бұлшық ет тінінің (оның ішінде, жүрек бұлшық етінің) қалыпты жұмыс істеуі үшін қажет.
Калий магниймен бірге өнімді жұмыс істейді. Калийді тұтынудың тәуліктік нормасы – 3600 мг. Мысалы, 200 г өрік қағының, 470 г асжапырақтың немесе 370 г теңіз орамжапырағының құрамында осыншама калий бар.
Калий туралы қызықты фактілер
- 1
көптеген өсімдіктердің құрамында болады
- 2
калий тұздары бактериялардың таралуының алдын алады
- 3
калий тұздарының бірі – сорбат (E 202) – тамақ өнеркәсібінде көбінесе, негізгі консервант ретінде қолданылады
- 4
калий адам организмінде синтезделмейді
Магний деген не?
Магний (Mg/Magnesium) – жүйке жүйесінің тұрақты жұмыс істеуі, сондай-ақ бұлшық еттің қалыпты жұмыс істеуі осы минералға байланысты. Бұл зат калиймен бірге жүректің жұмысына оң әсер етеді: жүректің ырғағы мен қантамырларының созылғыштығын жақсартады, артериалды қысымның ауытқуын төмендетеді, атеросклероздық процестердің жылдамдығын төмендетеді.
Магний бұлшық еттің жиырылу тетігіне қатысады, бұлшық ет спазмының алдын алады, сондай-ақ жүйке жүйесін жайландырады, алаңдаушылық пен ашуланшақтықты басады.
Магнийді тұтынудың тәуліктік нормасы 400 мг құрайды. Магнийдің көп мөлшері бидай кебегінде, асқабақ және күнжіт дәндерінде, жаңғақтарда, көк шөптерде және бұршақ дақылдарында болады.
Магний туралы қызықты фактілер
- 1
магнийдің көп мөлшері теңіз суының құрамында болады
- 2
өсімдіктердің жасыл жапырақтарындағы хлорофилдер фотосинтез процесін қамтамасыз ететін магний кешендерінен тұрады
- 3
рациондағы майдың шамадан тыс көп болуы магнийдің қалыпты сіңірілуіне кедергі келтіреді
Жүрек-қантамыр жүйесінің қандай аурулары кезінде калий мен магний әлдеқайда пайдалы болады?
- 1
жүрек аритмиясының түрлері
- 2
жүрек тапшылығы
- 3
артериалды гипертония, ишемиялық жүрек ауруы (стенокардия, миокард инфаркті)
- 4
жүрек қантамырларының атеросклероздық зақымдануы
- 5
инсульт
Көптеген зерттеулер жүрек-қантамыр жүйесінің ауруларын, депрессия, тәннің тозуы және денсаулыққа байланысты басқа да мәселелер кезінде калий мен магнийді кешенді түрде қолданудың тиімділігін растап отыр.
